Jesú kristur plaffar niður öryrkjana

Blóðbað fyrir utan tryggingarstofnun ríkisins. 7 öryrkjar liggja í valnum eftir að Jesú steig til jarðar og gerði sér litið fyrir og skaut á öryrkjahóp sem safnast hafði fyrir utan tryggingarstofnun með litla súpudiska. Doddi litli sem lifði af blóðbaðið sagði að þetta hefði verið samstillt átak öryrkja að mæta með súpuskálarnar og athuga hvort ekki væri hægt að fá smá dreitil í viðbót til að mæta kjaraskerðingu og verðhækkunum.

Sérsveit lögreglunnar mætti og handtók Jesú sem gaf þær skýringar að hann væri í raun bara leppur og burðardýr sem væri bara að fylgja skipunum, hann væri undir hælnum á Gussa pabba sínum sem hefði sent hann til að svara óvenju miklu bænainnstreymi sem hefði borist frá Íslensku þjóðinni um réttlæti og þessháttar.

Sérstaklega væri mikið um bænir sem hljóðuðu þannig að ef guð væri til þá myndi hann ekki láta slíkar hörmungar dynja á sinni útvöldu þjóð. Því væri það skilda þeirra á himnum að sýna að lögmálið auga fyrir auga og tönn fyrir tönn væri í fullu gildi og refsa bæri harkalega fólkinu sem hefði kallað hörmungarnar yfir Ísland.