Sorg og reiði hjá félagsmönnum

Það var ekki uppá þeim typpið strákunum í Félagi Sjálftökumanna er þeir héldu árlegt morgunverðarhlaðborð sitt á Kaffi Strætó í morgun. "Við höfum vanalega haldið þetta á Holtinu" sagði Hreiðar Már " en þeir eru svo svekktir út í okkur þjónarnir þar vegna peningamarkaðsreikninganna sem við vorum alltaf að halda að þeim að við treystum ekki hvað gæti verið sett í matinn okkar."

"Þetta er þyngra en tárum taki" sagði Lárus Welding og var þungur á brún " Hvað á ég að fara að gera? Sjálfsmynd mín hefur beðið mikið tjón og hver á að borga fyrir það? ég spyr. Við höfum á undanförnum árum verið að taka inn nýja félagsmenn úr ríkisgeiranum og það var þvíík hnífsstunga í bakið þegar einn af nýjustu meðlimum okkar Davíð Oddson sveik okkur á ögurstundu. 

"Sigurjón og Dóri hafa hingað til haldið uppi móralnum en þeir mættu ekki í morgun og fréttist af þeim að sniglast í kringum Ellingsen, hvað þeir eru að bauka er ekki gott að segja."

Félag Bláeygðra Sakleysingja ræður Benna Ólsara og Annþór K.

Hitti Jónas í pottinum í morgun og hann sagði mér að þeir hjá Félagi Bláeygðra Sakleysingja hefðu átt obbann af þessum 130 milljörðum sem gufuðu upp í peningamarkaðssjóðum. Margir félagsmanna hefðu hringt í bankana sína síðastliðnar 2 vikur til að fá upplýsingar um hvort þeir ættu að selja, en verið eindregið ráðlagt að selja ekki af starfsmönnum bankanna.

Þeir hafa nú ráðið þá Benna og Arnþór til að sjá um innheimtuna fyrir sig og segja þeir félagarnir að Gordon Brown guðfaðir þeirra ætli að senda Kínverska sendinefnd til landsins sem sérhæfir sig í vatnspyntingum enda sé mun árangursríkara í dag að notast við dannaðar og siðmenntaðar aðferðir.

Þeir hafa tekið á leigu Egilshöllina og verður  öllum jakkafata-vítisenglunum safnað saman þangað.

Jónas Ingi Ragnarsson settur í biskupsembætti

Hann er fundinn eftirmaður biskupsins.  Það var undir kvöld sem tilkynning barst úr Vatikaninu að biskupinn á Íslandi Ástríkur Dagur Thors hefði verið látinn víkja fyrir nýjum kardínála.

Talsmaður Páfa segir að í nýrri ímyndarherferð sem nú er að hefjast  verði ný gildi í fyrirrúmi og trú,von og kærleikur og þvíumlík helgislepja sé löngu "out"  Jónas Ingi verður bjargið og kletturinn sem mun leiða Íslensku þjóðina núna á viðsjárverðum tímum. "Þetta verður svipað og hjá Móses í den" sagði  talsmaður páfa.

Jónas Ingi mun halda námskeið í siðblindu og matreiðslu fyrir þjóðina og mun nota valda kafla úr Gamla testamentinu og "The Anarchist cookbook"  

Threesome í Álftamýrinni

Þú átt aldrei eftir að trúa því hvern Dorritt hitti í kjallaranum þegar hún fór að setja hempuna mína í þvottavélina." Sagði Ólafur Ragnar þegar hann hringdi í mig í kvöld.

" Ástþór Magnússon leigir herbergi í kjallaranum og Dorritt kíkti í kaffi hjá honum og skoðaði með honum frímerkjasafnið hans. Hún var rjóð og sælleg þegar hún kom upp og sagði mér að þetta væri þessi líka ljómandi drengur. Hann gaf henni eintak af bókmenntastórvirkinu "Virkjum Bessastaði" á rússnesku með formála skrifuðum af Pútin. Já hún Dorrit mín segist ætla að kíkja oftar í kaffi til Ástþórs sem hún segir að sé "Þann stórasta mann á Íslandi"

Bongóblíða hjá þeim Pálma og Bjarna á Tahiti

Hér er allt gott að frétta sögðu sjóræningjarnir Pálmi Haralds og Bjarni Ármanns sem eru í sólinni á Tahiti og njóta ávaxta erfiðis síns.

Það er allt gengið hérna Svartskeggur sjóræningi, Kapteinn Kidd, Jack Sparrow og svo eru hressir strákar hérna frá Sómalíu og Nígeríu. "Við vorum að enda við að grafa fjársjóðinn okkar og erum nú að ganga frá alvöru sjóræningjakorti sem við ætlum svo að geyma í bankahólfi á Gíbraltar. Biðjum að heilsa öllum á skerinu og gaman væri að heyra spilað fyrir okkur

"Hæ hó jibbý jei og jibbý jei það er kominn sautjándi júní"

Össur með hunangsbroddinn sinn í útrás

 Sá mæti þingmaður og rækjukokteill Össur Skarphéðinsson hefur nú ákveðið að venda kvæði í kross og skella sér í býflugnarækt. Össur lætur af störfum sem iðnaðarráðherra um mánaðamótin og er talið að Jói á hjólinu muni leysa hann af.

" Þetta bar brátt að sagði Össur en ég hef alltaf verið voða svag fyrir Bangsímon og vinum hans. Þetta hafa verið mínir áhrifavaldar lengi og mætti segja sem svo að ég sé loks að koma út úr skápnum í súrealískri merkingu. Það var samt ekki fyrr en ég sá Jónsa í Singing Bee að ég ákvað að taka tilboði frá Pollen Swollen Bee Group sem eru í fararbroddi í heiminum í býflugnarækt.

Má segja að ég sé að fara með litla hunangsbroddinn minn í útrás og í ofurlaunabransann. Jerry Seinfeld hefur sagt mér að þetta sé stabíll bisness með kaupaukum og góðu eftirlaunakerfi og svo spillir ekki að við vinirnir í þingmannamafíunni höfum samþykkt fínustu bónusgreiðslur til okkar sem stöðvast ekki fyrr en við höfum morknað í gröfinni í 50 ár

Þingsályktunartillaga alþýðunnar

Þingsályktunartillaga alþýðunnar

Þingmenn tilkynna sameiginlega ákvörðun sína sem verður samþykkt einróma um að lækka laun sín um 15 prósent og slaufa eftirlaunafrumvarpinu.

þingmönnum skal fækka í 28 sparnaður er augljós og þeir þurfa að rífast og vera með flokkaskítkast við færri aðila (tímasparnaður)

Öllum sendiráðsstarfsmönnum skal sagt upp og gert að koma heim í slorið, nægilegt er að hafa 1 ameríkusendiráð og 1 evrópusendiráð (sparnaður c.a 3 milljarðar á ári)

Seðlabankanum verði breytt í vaxmyndasafn og viðvörunarsafn fyrir komandi kynslóðir með myndum af útrásarvíkingum, pólítíkusum og seðlabankastjórum (aðgangur ekki ókeypis)

Kvótanum sem var stolið frá þjóðinni verður skilað aftur til komandi kynslóða.

Sett verða hryðjuverkalög sem gefa stjórnendum landsins að svara Bretum í sömu mynt, einnig er slík löggjöf nauðsynleg til að taka á mönnum sem hafa falið fjármuni í bönkum víðsvegar um heiminn.

Við pólítíkusar sem berjumst fyrir pólítísku lífi okkar gerum okkur grein fyrir að það er bylting í vændum ef við hreinsum ekki skítinn upp eftir okkur og heitum því hér eftir að vinna af alhug fyrir fólkið í landinu.

Its the end of the world as we know it.

Innilegar þakkir fyrir auðsýnda samúð og hlýhug við andlát og útför elskulegs frænda míns og kviðmágs

Kapítalismans

Reykjavík

Íslandi

Jarðarförin hefur farið fram fyrir augum heimsins

Þeim sem vildu minnast hans eru beðnir að gnísta tönnum og gráta í hljóði

Hannes Hólmsteinn og Kumpánar 

Ólafur Ragnar og Dorrit alsæl í Álftamýrinni

Það verður ekki af þeim skafið þokkahjúunum Óla og Dorrit sem eru nú að leggja lokahönd á að mála í Álftamýrinni. Óli er sprækur í sparslinu og Dorrit mundar pensilinn. " Við höfum aldrei verið hamingjusamari" segir Óli, þar sem hann skokkar upp og niður stigana með parkettið sem hann var að kaupa á útsölu í Húsasmiðjunni.

"Þetta eru nú töluverð viðbrigði, sérstaklega í fermetrafjölda en við gáfum bara dáldið af húsgögnum í Góða hirðinn. Maður verður að sýna stuðning með þjóðinni og gott fordæmi, ég byrjaði fyrst á því að heimsækja fólk á vinnustaði og vera með gamla og góða frasa sem hafa alltaf virkað en þegar ég kom í Vélsmiðju Jörundar og hóf máls þá sussaði Jörundur gamli á mig, gekk svo að mér og sló mig ákveðið í bringspalirnar, horfði í augun á mér og sagði "'Ólafur Ragnar, taktu hausinn úr rassgatinu á þér og farðu að framkvæma" að ég raunverulega fattaði hvað málið snerist um.

"Dorrit mundu að taka plastpoka með þér í Bónus" heyrðist Óli kalla er blaðamaður skildi við þau. 

SJÚKDÓMUR LYGINNAR

Háskóli Íslands hefur fengið öflugan liðsmann, prófessorinn Rúdolf von Stable, sem unnið hefur þrekvirki í að rannsaka og þróa bóluefni við sjúklegri lygaáráttu og ríkishroka. Prófessorinn er kominn til landsins með nokkur þúsund skammta af bóluefni og á að byrja bólusetningu á þeim hóp fólks sem hefur undanfarin ár merkt við X-D í kosningum og skal byrjað á sitjandi þingmönnum.

Mikil gleði og spenna er nú innan Sjálfstæðisflokksins þar sem fjöldinn allur af góðum flokksmönnum er hræddur við hversu sjukdómur lyginnar breiðist hratt út um leið og flokksmenn eru settir í einhver embætti eða fá einhver völd.

Sjaldgæft afbrigði sjúkdómsins er fólgið í því að embættismenn greina að viðkomandi er fjölmiðlamaður og vill reyna að komast framhjá þykkum arfa lyginnar sem hefur vaxið óáreittur í heilabúi flokksmanna og reynir að komast að sannleikanum, bregst þá sjúklingurinn oft ókvæða við og lætur ljót orð falla.

Prófessorinn varar samt við of mikilli bjartsýni um árangur.