Til hamingju Hannes Smára

Jæja var að koma úr símanum við Manghan Sabhathn  frá Sri Lanka sem er  í Sameinuðu þjóða partíinu og hann segir mér að Íslendingar hafi rétt marið sigur í framboði til  Öryggisráðsins og hann segir að hann hafi fyllst mikilli öryggistilfinningu að við skildum vinna kandídat Austurríkismanna Josef Fritzl.  Nú talaði fyrr í kvöld við utanríkisráðherra um skipun hennar á Hannesi Smárasyni í öryggisráðið, var henni ekki alveg sammála, leyst betur á varamanninn Martein Mosdal, en Ingibjörgu finnst hann full glannalegur, svo Hannes varð ofaná.

Ingibjörg segir mér að þessar 400 milljónir sem öryggisráðið kostar verði tekið af fjárveitingu til tryggingarstofnunar, enda séu þessir öryrkjar ekki allir þar sem þeir eru séðir og veit hún ekki betur en að þegar hún fór í sjoppu um daginn á laugaveginum hafi alræmdur öryrki sem hefur mergsogið kerfið um áraraðir verið þar við afgreiðslu.

Daglegt líf á Tjarnarborg

Það varð uppi fótur og fit á leikskólanum Tjarnarborg í dag þegar pjakkarnir Davíð og Geir voru teknir inn eftir að hafa verið að leika sér í sandkassanum aleinir. Voru báðir búnir að skíta svo hrottalega uppá bak að Valgerður leikskólakennari sem hefur starfað þar í aldarfjórðung mundi bara ekki eftir öðru eins.

Báðum var skellt í sturtu og smúlaðir, en þeir orguðu og voru með svo ljótan munnsöfnuð að ekki var um annað að ræða en að þvo þeim um munninn með grænsápu. Seinna um daginn þegar Ingibjörg móðir þeirra sótti þá klöguðu þeir Valgerði og létu í ljósi efasemdir um að heimild væri í lögum um að skella þeim svona í sturtu og þar fyrir utan hefði sturtan verið fullköld. 

Mál Valgerðar mun fara sína leið í réttarkerfinu. 

Ólafur Ragnar og Dorrit flytja í Álftamýri.

Hann er kominn til landsins vinur minn og velgjörðarmaður frá Kína Laá Túm Shá. Mættur á klakann með 14 ferðatöskur af dýrindis gjaldeyri með umboð til að ganga frá kaupum á Álftanesi frá Hafnafjarðarafleggjara. Það var kátt á hjalla hjá okkur í 50 fm. kjallaraíbúðinni minni og hrúgaði hann í sig slátri og sviðakjömmum og sló um sig með gömlum frösum úr rauða kverinu sem afi hans Mao Tse Tung samdi og var metsölubókin í Kína frá 1949- 1975.

Nú fyrir liggur að Ólafur og Dorrit munu flytja í íbúðina á móti mér sem er ágætis 3 herbergja íbúð með 2 ruslatunnum og frændi Laá Túm Shá, muni taka við búi á Bessastöðum og setja af stað samyrkjubú í Kínverskum stíl.

Er geysileg tilhlökkun meðal almennings í Kína að sjá hvernig tiltekst og var Ólafur Ragnar rétt í þessu að ganga frá við útlendingastofnun að veita dvalarleyfi fyrir 500 maóista og 1000 klappstýrur.

Laá Túm Shá segir að sérstaklega séu ráðamenn í Kína spenntir fyrir að gera hér svokallaða menningarbyltingu sem hefur gefið góða raun í Kína, sem í stuttu máli byggir á því að láta vangefna og geðsjúka fá sveðjur og hvetja þá til að slátra menntafólki.

Einnig er mikil stemming fyrir að koma upp þrælkunarbúðum og pyntingarstofum sem eru nauðsynlegar þegar hin margrómaða og fræga hugsanalögregla Kína tekur til starfa.

Ef uppbygging kommúnismans gefst vel á Álftanesi er ekkert því til fyrirstöðu að kaupa restina af Íslandi segir hann hróðugur og slær á ferðatöskurnar. 

 

Lalli johns og Árni Matt mestu mátar

Það er stórt hjartað í dýralækninum Árna Matt er í talsmáta útigangsfolks í Reykjavík og það með réttu og hægverskur er hann með eindæmum segja sömu heimildir.

Þegar ég gekk á Árna vildi hann lítið gera úr þessu, en sagði,og gefum nú Árna orðið "Ég var nú bara á kvöldgöngu í nýja loðfeldinum mínum í kringum Arnarhvolinn, þegar ég sé einhverja hreyfingu í skúmaskoti, ég fer nær og sé þar einhverja tötrumklædda mannveru og grálúsuga í þokkabót sem er eitthvað að reyna hita sér upp við Arnarhvolinn, nú ég gerði bara það sem hver einasti maður hefði gert skrapp út í 11/11 keypti mjólkurpott, átti svo silfurundirskál inní ráðuneyti og skellti skálinni fyrir framan kauða og hellti mjólkinni í fyrir hann."

Þar með var Árni rokinn á fund og Lalli sagði mér að hann myndi vaða eld og brennistein fyrir þennan göfuga mann.

Davíð byrjaður að læra á fiðlu

Krisbjörg fiðla einkakennari Davíðs Oddssonar er ekki við eina fjölina felld. Ásamt fiðlukennslunni er hún mikilvægur hlekkur í leyniþjónustu byltingarsinna á Íslandi (Ice 5) og hefur kortlagt allar gjörðir Davíðs síðan hann byrjaði í fiðlukennslunni.

Hún segir svo frá að hún sé orðin hrædd um sig því Davíð taki upp á því að hlæja óskaplega í tímum og komi jafnan einhver geðveikisglampi í augun, síðan segir hún svo frá að eftir síðasta tímann hafi hún tekið eftir því að kveikjarinn hennar sem hún notar til að kveikja upp í grillinu hafi horfið, hún óttast allt hið versta og talar um að hugmyndir hans um að setja hengibrú yfir götuna úr Seðlabankanum yfir í tónleikahússbygginguna og breyta henni í konugshöll eigi nú hug hans allann og hann muldri í sífellu" Bubbi kóngur, Bubbi kóngur þinn tími mun koma"

Æiiiii........

Var að koma heim af slysó, eftir smáóhapp, er ekki bara sjálfur Guðni Ágústsson þar alblóðugur og illa lyktandi búinn að tæta af sér hendina upp að handarbaki, kallinn var dofinn af morfínáti og sagði mér sljóum augum að hann hefði verið sendur niðrí  Landsbanka að aðstoða strákana á pappírstæturunum og ekki hefði viljað betur en svo að, rétt í þann mund er hann sá að á einu blaðinu var sagt frá millifærslu upp á 50 milljarða inná reikninga á Kýpur og Cayman að hann vildi ekki sleppa takinu og því fór sem fór, síðan vitnaði hann ótæpilega í Bjart í sumarhúsum og lognaðist síðan út af.

Nú þegar búið var að fjarlægja hafnaboltakylfuna úr rassinum á mér dreif ég mig bara heim. 

kem til með að verða pínu dónó...

sagði Páll Óskar eðalhommi og hrútspungur með meiru er ég talaði við hann um fyrirhugaða messu hans í Fríkirkjunni. Vonast hann eindregið að Páll heitinn postuli og gamall kviðmágur láti sjá sig í gegnum Þuríði Brekkan miðil sem verður honum til halds og trausts við messuna.

Í hléinu verður svo baukurinn látinn ganga og smá skyggnilýsingar meðan kirkjugestir skreppa út í smókinn. Palli ætlar að vera alveg super trouper jákvæður og fylla landann hafa nýuppgötvuðum boðskap Jésú, uppfærðan af pabba Jésú, Gussa grínverja.

En Gussi hefur verið að grínast dáldið með Íslendinga upp á síðkastið og hefur verið að taka af þeim allt dótið sem þeir hafa verið búnir að safna sér, enda er Gussi kallinn ekki mikið fyrir að láta Mammon stjúpfrænda sinn troða sér of lengi um tær. 

Vonast Palli til að geta útrýmt depurð og sektarkennd þjóðarinnar á einu bretti. Messan verður í beinni útsendingu á útvarpi sögu.

Til hamingju Hannes

Jæja var að koma úr símanum við Manghan Sabhathn  frá Sri Lanka sem er  í Sameinuðu þjóða partíinu og hann segir mér að Íslendingar hafi rétt marið sigur í framboði til  Öryggisráðsins og hann segir að hann hafi fyllst mikilli öryggistilfinningu að við skildum vinna kandídat Austurríkismanna Josef Fritzl.  Nú talaði fyrr í kvöld við utanríkisráðherra um skipun hennar á Hannesi Smárasyni í öryggisráðið, var henni ekki alveg sammála, leyst betur á varamanninn Martein Mosdal, en Ingibjörgu finnst hann full glannalegur, svo Hannes varð ofaná.

Ingibjörg segir mér að þessar 400 milljónir sem öryggisráðið kostar verði tekið af fjárveitingu til tryggingarstofnunar, enda séu þessir öryrkjar ekki allir þar sem þeir eru séðir og veit hún ekki betur en að þegar hún fór í sjoppu um daginn á laugaveginum hafi alræmdur öryrki sem hefur mergsogið kerfið um áraraðir verið þar við afgreiðslu.

Neyðarkall frá ..........

Fyrrverand Kaupþings og Landsbankastjórar sáust fyrr í dag fyrir utan höfuðstöðvar Latabæjar í Miðhrauni, útgrátnir og með vænar horslummur í nefinu. Tilgangurinn var að ná sambandi við Glanna Glæp og biðja hann að hjálpa sér að tækla gegndarlaust og ósanngjarnt einelti sem hellist nú yfir þá úr öllum áttum, segja þeir að nú sannist sem aldrei fyrr að laun heimsins séu vanþakklæti og hafa pantað umhverfismat hjá Tryggingarstofnun ríkisins og ætla allir að reyna að kýla á öryrkjann enda sé hvergi meiri framtíð, en í öryrkjabransanum.

Voru þeir sársvekktir yfir því að vera skipt út fyrir konur og sögðu að þegar þeir voru að skemmta sér um borð í The Viking með útrásarvíkingum hefðu nú konur verið brúklegar til annara hluta og minntu á hið fornkveðna sem segir að," Sumar konur má yfirstíga með fégjöfum,aðrar með barsmíðum og enn aðrar með vinsemd

Kampavín og kavíar handa Litháískum fjöldamorðingja

Það flæddi kampavínið í hæstarétti í dag þegar Juric Woldtag voru dæmdar 30 milljónir í skaðabætur frá ríkinu eftir að Sveinsína Sigurðardóttir 83 ára íbúi á Grund trampaði á tærnar á honum í strætó. Juric sem er einn frægasti nauðgari og morðingi í Litháen sagði við þetta tækifæri að stóratáin á honum hefði bólgnað illilega og hann hefði síðan verið rekinn frá Íslandi fyrir að leita réttar síns.

Sérstaklega var hann þakklátur Jónsa dómara sem hefði skilað séráliti og sagt að hann væri í raun rosa góður gæi. Hann biður að heilsa öllum á Íslandi og ætlar að halda heim og nota peningana til að koma upp fullkominni amfetamínverksmiðju í heimalandi sínu.