Axarmorðinginn geðþekki Tinni Jóns tekur slátur...

Hann var mættur snemma í röðina í Hagkaup í morgun hann Tinni, galvaskur og hress eftir nótt í hverfissteininum. "Þetta var einn allsherjarmisskilningur" sagði hann "og Bogga föðursystir var mætt eldsnemma upp á löggustöð að kippa málum í liðinn.

Forsagan er sú að við strákarnir á Kvíabryggju voru búnir að lesa um gróðann hjá Actavis af magnylframleiðslu og ætluðum bara að skella okkur í heilbrigða samkeppni og taka virkan þátt í útrásinni og svo voru einhverjir öfundarmenn að klaga okkur eitthvað við löggunnar sem kom og kíkti á þetta hjá okkur og hélt okkur yfir nóttina, en þetta leystist farsællega í morgun, þökk sé Boggu og nú ætlum við fjölskyldan bara að eiga notalegan dag og sauma saman vambir og hlæja dátt af öllu saman.